ଯାଜପୁର ନେତାଙ୍କୁ ଘାରିଛି ଯୋଡା ଓ ଘୋଡା ଭୟ
ଯାଜପୁର :ରାଜ୍ୟ ବିଜେପି ରେ ଏବେ ଯୋଡା ଓ ଘୋଡା ଉପାଖ୍ୟାନ ବେଶ ଚର୍ଚ୍ଚାରେ ରହିଛି। ରାଜ୍ୟ ବିଜେପି ସଭାପତି ମନମୋହନ ସାମଲ ଏବଂ ମୁଖ୍ୟମନ୍ତ୍ରୀ ମୋହନ ମାଝିଙ୍କୁ ଯୋଡା କୁହାଯାଉବ ବେଳେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ଘୋଡାର ଆଖ୍ୟା ଦିଆଯାଇଛି। ଉଭୟଙ୍କ ମଧ୍ୟରେ ବିବାଦ ଲାଗିରହିଥବା ସାଧାରଣରେ ଚର୍ଚ୍ଚା ହେଉଥବା ବେଳେ ଗତକାଲି ଏହାର ଝଲକ ଯାଜପୁରରେ ଅନୁଭୁତ ହୋଇଛି। ପୂର୍ବରୁ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଯେତେବେଳେ ଯାଜପୁର ଜିଲ୍ଲା ଆସିଛନ୍ତି କିମ୍ବା ଯାଜପୁର ଜିଲ୍ଲା ଦେଇ ଯାଇଥାନ୍ତି ସେତେବେଳେ ତାଙ୍କୁ ଯାଜପୁର ବିଜେପି ନେତା ,ବିଧାୟକ,ସାଂସଦ ମାନେ ଉଚ୍ଛର୍ସିତ ସମ୍ବର୍ଦ୍ଧନା ଦେଇଥାନ୍ତି। କିନ୍ତୁ ଗତକାଲି ଧର୍ମେନ୍ଦ୍ର ଭଦ୍ରକ ଜିଲ୍ଲାକୁ ଯିବା ବେଳେ କୌଣସି ସ୍ଥାନରେ ତାଙ୍କୁ ସମ୍ବର୍ଦ୍ଧନା ଦିଆନଯିବା ସମସ୍ତଙ୍କୁ ଚକିତ କରିଛି। ପରିସ୍ଥତି ଏପରି ହୋଇଛି ଜିଲ୍ଳାରେ ଏବେ ୪ ଜଣ ବିଜେପି ବିଧାୟକ ଓ ଜଣେ ସାଂସଦ ଥଲେ ମଧ୍ୟ କେହି ବି କୌଣସି ସ୍ଥାନରେ ତାଙ୍କୁ ଶୁଭେଚ୍ଛା ଦେଇନାହାଁନ୍ତି। ଗତ ଏପ୍ରିଲ ମାସ ୫ ତାରିଖ ରେ ଧର୍ମେନ୍ଦ୍ର ବାଲେଶ୍ୱର କୁ ଏକ ସାମାଜିକ କାର୍ଯ୍ୟକ୍ରମରେ ଯୋଗ ଦେବାକୁ ଯାଉଥବା ବେଳେ ତାଙ୍କୁ ବଡଚଣା,ଧର୍ମଶାଳା,କୋରେଇ ବିଧାୟକଙ୍କ ପକ୍ଷରୁ ନିଜ ନିଜ ନିର୍ବାଚନ ମଣ୍ଡଳୀରେ ସମ୍ବର୍ଦ୍ଧନା ଦିଆଯାଇଥଲା। ଏଥସହିତ ଅନ୍ୟ ସଂଗଠନର ବରିଷ୍ଠ କର୍ମକର୍ତା ମାନେ ମଧ୍ୟ ସମ୍ବର୍ଦ୍ଧନା ଦେବା ପାଇଁ ପ୍ରତିଯୋଗୀତା କରିଥଲେ। କିନ୍ତୁ ଏବେ ଯୋଡା ଘୋଡା ଲଢ଼େଇ ଯୋଗୁଁ ସମସ୍ତେ ଘୋଡା ଅର୍ଥାତ ଧର୍ମେନ୍ଦ୍ର ପ୍ରଧାନଙ୍କୁ ଲୁଚି ଯାଇ କେହି ଦେଖାଦେଇନଥବା ଜଣାପଡିଛି। ମାତ୍ର କେତେ ଜଣ ଭୁବନେଶ୍ୱର ଏୟାରପୋର୍ଟ ଏବଂ କଟକ ସର୍କିଟ ହାଉସ ରେ ଲୁଚି ଲୁଚି ଦେଖା କରିଥବା ଜଣାପଡିଛି। ଏବେ ରାଜ୍ୟ ରେ ଯୋଡା ଅର୍ଥାତ ମନମୋହନ ସାମଲ ଏବଂ ମୋହନ ମାଝିଙ୍କ ପତିଆରା ଚାଲିଥବା ବେଳେ କେହି ଧର୍ମେନ୍ଦ୍ରଙ୍କୁ ସମ୍ବର୍ଦ୍ଧନା ନ ଦେବା ପାଇଁ ସତେ ଯେମିତି ଅଲିଖତ ଫତୁଆ ଜାରି ହୋଇଥବା ପରି ମନେ ହେଉଛି। ଗତ ସାଧାରଣ ନିର୍ବାଚନରେ ଧର୍ମେନ୍ଦ୍ରଙ୍କ ଦୟାରେ ଦଳୀୟ ଟିକେଟ ପାଇବା ଠାରୁ ଆରମ୍ଭ କରି ବିଧାୟକ ହୋଇଥଲେ ମଧ୍ୟ ଏବେ କରଛଡା ଦେଉଛନ୍ତି। ଏପରିକି ସଂଗଠନ ଦାୟିତ୍ୱରେ ଥବା ଜିଲ୍ଲା ସଭାପତି ଓ ଅନ୍ୟାନ୍ୟ କର୍ମକର୍ତା ମାନେ ମଧ୍ୟ ଧମେନ୍ଦ୍ରଙ୍କୁ ଦେଖାଦେଇନଥଲେ। ଯାହା ସାରା ଜିଲ୍ଲାରେ ଚର୍ଚ୍ଚାର ବିଷୟ ପାଲଟିଛି।
